أفضل ماصنع في الغرب عن الاسلام

السلام عليكم ورحمه الله وبركاته

فلم وثائقي بعنوان افضل ماصنع في الغرب عن الاسلام

طبعا لدي تحفظ بالنسبه للعنوان

بحيث مسمى كلمه غرب ومايقابلها من كلمه عرب

فليس كل العرب مسلمون وليس كل الغرب كفار ..

احببت ايضاح هذه النقطه

بخصوص الفلم فهو جميل

وحقيقه طوال فتره مشاهدتي له وانا ابتسم

مجرد شعوورك بالتقدير من اي كان يجلب لك السعاده

لذا لاتبخلو في تقدير من هم حولكم

تفضلوو رابط الفلم ولن ياخذ من وقتكم كثيرا

http://www.youtube.com/watch?v=agj3CBFP3HM

باكر على الظالم تدور الدواير

 

السلام عليكم ورحمه الله
ادري اني توقفت عن الكتابه لمده طووويله
بس  مااخبي عليكم ابد اكتب وارجع انشغل<< الله لايشغلنا الا بطاعته وكااننا وزيري وزارات خخخ

الي خلاني اكتب اليوم موقف لايوصف موقف هز مشاعري لاابعد وصف اليوم وهو تاريخ 19\4 يوم لاينسىمن حياتي..

بدايه صباح مشرق رحت للجامعه وكنت في بدايه تعب لي كنت ابي اغيب بس اخواتي كانو غايبين عن المدرسه فقلت ماله داعي اكمل الصفه تحملت ورحت تقهوينا على الصباح من قهوه اختنا اسيل الله يسعدها واجتمعنا مع الشله الله لايفرقنا وبعدين  الكل  راح لمحاضراته اعتذرت استاذه الدولي لانه جاتها حراره بعد>> وشكل الشعب كله تعبان اليوم..

 

 

 

 

 

طبعا طلعنا على اساس نكمل دفاترنا الكامله من زود الدفاره
ولاكن خطرت الفكره الجهنميه بالذهاب لسوق الجامعه
طلعنا وركبنا مع خاله شقرا بسياره الشبح
نزلنا الدكتوره للوحده الصحيه وويوم قربنا من السوق قلنا نسلم على أ.موضى
أ.موضى ياجماعه الخير هي السعوديه الوحيده بكليتنا غير الطالبات طبعا
وهي منسقه الكليه وانا ماذكرت ذلك من باب التعصب على جنسيه معينه او شي
بس لمن يكون احد مسؤول معك ونفس جنسيتك راح تحس بانه قريب لك اكثر ومهتم لمصلحتك اكثر
أ. موضي الكل يشهد لها بالخير وعلى قول خاله شقرا السيب كان منور فيها والله..
دايم اشوفها مبتسمه وتعاملها رائع,,
فجأه مع بدايه الترم هذا فقدناها..

 

 

 

 لأسباب نجهلها !! وقد وصلنا طرطشه حكي باانه يوجد خلاف مع وكيله الكليه والله اعلم بالحقيقه

دخلنا مكتبها الي بكليه اللغات ونقلوها له قريب

 بعد ماراحت من عندنا او بالاحرى بعد ماشالوها هم من عندنا
للاسف مالقينها..
خطر لنا كتاابه ورقه وقلت لااسيل تكتبها لاني انا تعبانه >> عشان خطها شين غ1
ويوم وصلت اخر سطر الا دخلت الاستاذه موضى
يالله كان موقف مره حلوو
جلسنا وسولفنا وانبسطناا وقالت شوفتكم ودخلتكم تسوى الدنيا ومافيها
بس الدموع وجدت طريقها عند خاله شقرا
نعم بكت خاله شقرا
امراه كبيره بالسن بكت
وتدعي حسبي الله على الي كان السبب
بطبيعتي انا اتاثر على طول واساعد اي احد يبكي ابكي معاه
لاكن وش هالثبات الي جاني
مسكتها وضميتها حطت راسها علي
يااااااااااااه اول مره اتعرض لموقف مثل كذاا
حرمه كبيره تبكي وتحط راسها علي
تعجز كل الحروف اوصفلكم المووقف
اوصفلكم الشعور الي حسيت فيه
اسيل بعد ماقصرت لبست نظارتها عشان مانشوف دموعها
اأ.موضى على طول قامت وقعدت جمب خاله شقرا
انا طبعا وقتهاا تضاربت عندي الافكااار
كل شي خبط ببعض
وش السالفه الي تخليهم ينقلون استاذه قمه بالروعه من عندنا واحنا بحاجتها !!
وش يخلي خاله شقرا تبكي !! وتدعي !!
ياليت لو بيدنا شي نسويه
نقدر نسال ونبحث ونعرف وش السبب
ولاكن للمصلحه العامه الصمت افضل !!
ومازالت قوى الظلم والدكتاتوريه هي الساائده
والطيبون هم الحلقه الاضعف
اعتذر عن الاطاله بالحديث
بس بالاخير حبيت اسال عن شعور اي منكم ااذ مر بموقف ان احد كبير يبكي عليه؟
وش راح تسوون ايضا اذا مرت عليكم قصه مثل كذا تكتفون بالسكوت
ولاتدورون عن اسباب انتقال شخص ؟

 

(هي النفس ما حَمَّلْتَها تتحمل وللدهر أيام تجور وتَعْدِلُ)