باكر على الظالم تدور الدواير

3 أبريل

 

السلام عليكم ورحمه الله
ادري اني توقفت عن الكتابه لمده طووويله
بس  مااخبي عليكم ابد اكتب وارجع انشغل<< الله لايشغلنا الا بطاعته وكااننا وزيري وزارات خخخ

الي خلاني اكتب اليوم موقف لايوصف موقف هز مشاعري لاابعد وصف اليوم وهو تاريخ 19\4 يوم لاينسىمن حياتي..

بدايه صباح مشرق رحت للجامعه وكنت في بدايه تعب لي كنت ابي اغيب بس اخواتي كانو غايبين عن المدرسه فقلت ماله داعي اكمل الصفه تحملت ورحت تقهوينا على الصباح من قهوه اختنا اسيل الله يسعدها واجتمعنا مع الشله الله لايفرقنا وبعدين  الكل  راح لمحاضراته اعتذرت استاذه الدولي لانه جاتها حراره بعد>> وشكل الشعب كله تعبان اليوم..

 

 

 

 

 

طبعا طلعنا على اساس نكمل دفاترنا الكامله من زود الدفاره
ولاكن خطرت الفكره الجهنميه بالذهاب لسوق الجامعه
طلعنا وركبنا مع خاله شقرا بسياره الشبح
نزلنا الدكتوره للوحده الصحيه وويوم قربنا من السوق قلنا نسلم على أ.موضى
أ.موضى ياجماعه الخير هي السعوديه الوحيده بكليتنا غير الطالبات طبعا
وهي منسقه الكليه وانا ماذكرت ذلك من باب التعصب على جنسيه معينه او شي
بس لمن يكون احد مسؤول معك ونفس جنسيتك راح تحس بانه قريب لك اكثر ومهتم لمصلحتك اكثر
أ. موضي الكل يشهد لها بالخير وعلى قول خاله شقرا السيب كان منور فيها والله..
دايم اشوفها مبتسمه وتعاملها رائع,,
فجأه مع بدايه الترم هذا فقدناها..

 

 

 

 لأسباب نجهلها !! وقد وصلنا طرطشه حكي باانه يوجد خلاف مع وكيله الكليه والله اعلم بالحقيقه

دخلنا مكتبها الي بكليه اللغات ونقلوها له قريب

 بعد ماراحت من عندنا او بالاحرى بعد ماشالوها هم من عندنا
للاسف مالقينها..
خطر لنا كتاابه ورقه وقلت لااسيل تكتبها لاني انا تعبانه >> عشان خطها شين غ1
ويوم وصلت اخر سطر الا دخلت الاستاذه موضى
يالله كان موقف مره حلوو
جلسنا وسولفنا وانبسطناا وقالت شوفتكم ودخلتكم تسوى الدنيا ومافيها
بس الدموع وجدت طريقها عند خاله شقرا
نعم بكت خاله شقرا
امراه كبيره بالسن بكت
وتدعي حسبي الله على الي كان السبب
بطبيعتي انا اتاثر على طول واساعد اي احد يبكي ابكي معاه
لاكن وش هالثبات الي جاني
مسكتها وضميتها حطت راسها علي
يااااااااااااه اول مره اتعرض لموقف مثل كذاا
حرمه كبيره تبكي وتحط راسها علي
تعجز كل الحروف اوصفلكم المووقف
اوصفلكم الشعور الي حسيت فيه
اسيل بعد ماقصرت لبست نظارتها عشان مانشوف دموعها
اأ.موضى على طول قامت وقعدت جمب خاله شقرا
انا طبعا وقتهاا تضاربت عندي الافكااار
كل شي خبط ببعض
وش السالفه الي تخليهم ينقلون استاذه قمه بالروعه من عندنا واحنا بحاجتها !!
وش يخلي خاله شقرا تبكي !! وتدعي !!
ياليت لو بيدنا شي نسويه
نقدر نسال ونبحث ونعرف وش السبب
ولاكن للمصلحه العامه الصمت افضل !!
ومازالت قوى الظلم والدكتاتوريه هي الساائده
والطيبون هم الحلقه الاضعف
اعتذر عن الاطاله بالحديث
بس بالاخير حبيت اسال عن شعور اي منكم ااذ مر بموقف ان احد كبير يبكي عليه؟
وش راح تسوون ايضا اذا مرت عليكم قصه مثل كذا تكتفون بالسكوت
ولاتدورون عن اسباب انتقال شخص ؟

 

(هي النفس ما حَمَّلْتَها تتحمل وللدهر أيام تجور وتَعْدِلُ)

Advertisements

7 تعليقات to “باكر على الظالم تدور الدواير”

  1. moon 3 أبريل 2010 في 7:01 م #

    اصلا دايم الحبيبيه بالجامعه واللي تسمع للبنات ما تجلس لازم تصير نجسه ونذله علشان يتركونها بمنصبها
    بس لا تخافين بيجي اليوم اللي بتاخذ حقها من اللي ضلمها
    والله يوفقها للي فيه الخــير

    • najlas1991 6 مايو 2010 في 8:25 ص #

      على قوله ميثوو الطيب يروح
      والشرير ناشبلك
      وتأشر بيدها اليمنى على حلقها غ1

      ان شاء الله بيجي هاليوم
      شكرا منور على الرد الجميل
      ماننحرم منك يارب

  2. متعبهم شموخي 4 أبريل 2010 في 5:23 م #

    السلام عليكم
    كيفك نجووله ..!! بصراحه من زمان ادور مدونتك وكذا مره قلت بقولها بس زين وصلتني (^_^)

    دايم الانسان النادر مايبقى ــآآ بينا
    والدنيا حظوظ وان شالله ترجع لكم واشوف انا لاجيت الجامعه بعد ض1
    يلا سلااام

    • najlas1991 6 مايو 2010 في 8:29 ص #

      وعليكم السلام
      اهلا اهلا بطالبه مدرستي القديمه
      دايم للأسف 😦

      والله نتمنى من كل قلبنا ترجع
      بس ادري انه مستحيل ..
      الجرح مايبرى وانا اختك
      يلا نستنااك السنه الجايه ان شاء الله
      شدي حيلك
      وتسلمي عالرد .

  3. كوووكيز 4 مايو 2010 في 10:29 م #

    نجوووولي حبيبتي انا مبسووووطه منك كثير الموقف مؤثر انا لو مكانك ماكان قدرت امسك نفسي بس الله يعطيكي العافيه احبكييييييييييييييييييي

    • najlas1991 6 مايو 2010 في 8:31 ص #

      كوكيز يابنت ماعرفتك جد متنكره
      بس بعدين عرفتك بطريقتي الخاصه >> شافت الايميل غ1

      جد انا بعد مبسوطه من نفسي
      الحمدلله ربي قواني بها الموقف
      الله يعافيك ياقمر
      وانا احبك اكثر واكثر ..!

  4. writing24 6 مايو 2010 في 9:51 ص #

    nice

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: