ثمار الأرض تجنى كل موسم .. لكن ثمار الصداقة تجنى كل لحظة

 

السلام عليكم ورحمه الله
مسائكم \ صباحكم .. احلى من الورد

مدخل}
أنا الصديق اللي على دربك ” إعتااااد ”
ولايردني عنك ( إلا وفاتي )
عمر الصديق اللي مثلك ماراح
” ينعااااد ”
وش حيلتي لاغبت عن عيني ( وذاتي )
لاتقول تايه وأنا لك عضد
” وسناد ” ..
وشلون أتجاهل صداقه نورت لي
حياتي ..!

راح اكتب عن يوميتي اليوم
ومن اجمل يومياتي 
هالسنه بذاات فقدت ناس كثير وبنفس الوقت التقيت وتعرفت على ناس كثير
افتخر كثيراااا بمعرفتهم
كان المفروض اكتب عن لقائي مع اروى صديقتي من احد المنتديات والي قابلتها بالملاهي
ايضا صديقتي رائده من عالم النت ايضا وقابلتها بالمؤتمر العلمي
وصديقاتي بينبع صالحه وفضه وخواتهم تعرفت عليهم بينبع وفي وسط البحر !!
طبعا غير صديقااتي بالجامعه >> قرايبي لاتزعلوون اتكلم عن التعارف والصداقات
يالله كلام كثير لو احكي الى بكرا ماراح اخلص
بس اليوم قررت اكتب وماراح يردني شي باذن الله
لي اسبوع تقريبا اعاني من الانفلونزا
مع ذلك رحت مع توام روحي اسمى لمدرسه اختها  واختي بدريه الي كانت مدرستي بعد 🙂
كلام كثير ودي اقوله شعوري اني ازور مدرستي بعد ثلاث سنوات
واكثر شي خنقتني العبره فتره التكريم
افتقدت هالشي كثير بالجامعه
على قوله اسمى شي ولا باالحلام نفكر يكرمونا بالجامعه
طبعا بتفلسف عليكم واقول مو مستحيل بس صعب
 صارت اشيائات كثيره بالمدرسه >> مابي اوجع راسكم بالحكي
بعدين رحنا لكليه الطب الي تدرس فيها اسمى
يالله مره غير عن جامعتنااا جد جد لاقالو دراسه
والله وش الدلع الي احنا فيه
لدرجه اني اطالع ماحد حاط روج  وكاشخ الا انا واسوم
حتى كحل مو حاطين
وقعدنا نسولف مع شله اسوم ياحليلهم البنات قاعده اتخيل اشكالهم بعد  كم سنه دكتورات
مااخبي عليكم  من الان انا شايله فكره  اني اتعالج عند وحده منهم >> سوري اسوم هذي الحقيقه ماعندكم سالفه هههههه
بعدين حضرنا عرض البرزنتيشن وبااليالله  جا دور اسمى ساعه كامله وهم لق لق انجلش
مين جرب شعور الاطرش بالزفه ؟!!
انا جربته اليوم 🙂 طبعا بما اني متنحه وقتها قعدت  اتخيل شكلي ادرس معهم  طب
تخيلو معاي انتو بعد طلاب طب  يالله تعب تعب بس اكيد له متعه مثل مانقول بدراستنا تعب بعدين لمن نرتاح نقول متعه
يوم بدت اسمى العرض حقها
حسيت اني مثل الامهات اذا جا تكريم بناتهم ينبسطوو مراا مادري هذا اقرب شعور اوصفلكم فيه خخخ
بعدين طلعنا تغدينا ورجعنا البيت العصر
رحله مممتعه الى عالم الطب والله يسهل عليهم جميع
والحمدلله اني قانون 🙂
والشعور الي بالقلب مايوصفه الكلام
الله يخلي لي كل صديقه وحبيبه وغاليه
ولايحرمني منكم

مخرج000}
اسمى  حياتي
خذيها صريحه والايام وتوريك
خذيها حقيقه في زمان المتاهات
أني على طاريك أموت وأرجيك
وأن العيون بدون شوفك حزينات
وأن الجفا مدار في قلب مغليك
لو أهجر العالم أوصلك أنت بالذات